Dahan-dahan,
Ibinigkis dalawang duluhan ng aking mga pangarap
Di pa man tapos, samu’t sari na ang nadarama
Pikit-mata,
Inilatag buo kong pagkatao sa iyong kandungan
Mga ngiti’t kunot-noo, animo’y naghahatakan
Pigil-hininga,
Iminulat aking mga mata para lamang maluha
Sa labis na galak at bahagyang pagtataka
Bilog ay nabuo, soulmate daw kita
Alam ko katangahan, pero hayaan mo na-
E ako, soulmate mo rin kaya?
No comments:
Post a Comment